Drunk

I never been that drunk as last Saturday, in my past life.

從未試過醉到冇曬記憶。公司嘅年會，想來其實冇乜嘢好玩，衹有飲酒。敬酒互劈，你來我擋，隊呀隊呀隊，終於隊霖了自己。

之後嘅一個工作日，我胃痛。
個個都或者係真，或者係假咁講D關心說話，或者畀藥我食——如果我喺一個忙碌嘅Monday hang機嘅話，衹會加重佢哋嘅負擔。惟獨佢，無論係交代工作，或者擦身而過，都冇一句多餘嘅說話。
晏晝我攞疊文件入辦公室畀佢簽。佢接過文件，埋頭開始簽。其他同事走咗之後片刻，佢忽然問，妳好D未？胃痛。
我話，嗯，好好多。
佢話，以後唔好飲咁多，加重胃嘅負擔。
我話，嗯，知道啦。
其實我有覺得warm過。不過我衹係望住佢簽緊文件嘅手臂，講起一D其他話題。
但講過什麽，通忘卻了。